八方一向有拜读嘅《阳光时务周刊》，最近出现连环大地震，震央波及来自《南方》报系嘅前高层。继总编辑程益中喺3月初求去之后，上个星期杂志社同事再收到一个唔系好开心嘅消息，就系主编长平都起身走人。唔少人都觉得事出突然，认为长平离开系好可惜，矛头直指系咪老板陈平过度插手干预运作?据闻有员工谂紧系咪要写封联署反映员工心声。
主编长平也劈炮
长平系《南都周刊》前副总编辑，经常因打擦边球被处分，2011年“被辞职”，旧年加入咗《阳光时务》，深得同事敬重。但系喺上星期出版嘅《阳光时务》，对于佢嘅去留就露出端倪。事关本杂志每期都会有由长平亲自撰写嘅〈主编的话〉，但上一期个版就冇咗〈主编的话〉呢四粒字，只得一篇长平署名文章。到咗上周五，同事就收到长平电邮，话自己唔再系主编。
长平走人，表面原因系佢未能取得工作签证嚟香港，经常要遥控编务。但有知情者就同八方讲，据闻佢同之前劈炮嘅程益中、仲有执行主编张洁平一样，都系顶唔顺老板陈平事事干预嘅作风，所以唔捞。陈平虽然未去到干预新闻自由咁严重，之但系经常喺起题用字、报道方向方面，都同专业嘅编采人员拗餐饱，令人好气馁咁话。
据闻长平走人，会由笔名雨文嘅香港总监唐朝雯顶住先。但同事现时士气低落，只希望陈平唔好咁多声气，畀佢哋正正常常咁发挥，做多啲好新闻。
延伸阅读：
- ·苹果日报：不喜老板陈平干预编采 《阳光时务》高层大逃亡 (2013-04-25)
- ·与习家两代深交 中共智囊陈平：高层分裂(2013-03-29)
- ·林保华：头号梁粉梦熊 反戈一击有罪？(2013-03-21)
- ·港苹：传老板过度干预《阳光时务》总编程益中突离职(2013-03-20)
- ·香港党媒：刘源复出内幕 习近平彻查谷俊山 组图(2013-03-20)
- ·港媒一文激起千层浪 没人看透的老底被揭穿 江系恼羞成怒(2013-02-08)
- ·港特首头号政治盟友突反戈 习显露倒梁振英信号 组图(2013-01-27)
- ·与习近平两代深交，陈平看中国：三年内一定乱!(2013-01-17)
- ·南周事件水多深？有习家关系背景港媒爆中宣部黑幕 (2013-01-15)
- ·程益中：当局试图淡化《南方周末》事件的价值和意义 (2013-01-13)